📍スーパー丼 (銅鑼灣)
銅鑼灣駱克道501號地舖
======================================
一直都好想試下呢間，今日趁有時間就同朋友過黎試一試，地點咁方便，價錢又唔算貴，難怪咁多人😎大家如果係啲食飯時間黎預咗都要等😆至於佢間舖，入面其實唔大，裝修都比較簡約，但都好光猛😁
.
火炙三色丼 (三文魚、吞拿魚、左口魚邊) $98 (4/5)
三文魚同吞拿魚都好厚切，又新鮮😍😍😍未食都流哂口水🤤🤤個皮仲要稍稍燒過，油脂香味出哂黎！而切薄片既左口魚邊食落鮮甜爽口，唔錯👍🏻而佢每個餐都會有個湯同前菜，前菜係雲耳青瓜，辣辣地好開胃😜
.
特選燒鰻魚丼 $88 (4/5)
就算唔想食魚生都有熟食選擇，我就點左個燒鰻魚丼，鰻魚燒得好香，唔乾身，仲好肥美添，啖啖肉！而珍珠米再撈埋鰻魚汁，更惹味🥰
.
鹽燒牛舌 $48 (5/5)
好好味既牛舌👅厚切得黎但一啲都唔韌👏🏻而且調味剛好，鹹鹹地，推介☺️
.
鹽燒雞翼 $38 (4/5)
雞翼都整得好食！熱辣辣，肉質都幾滑，重點係個皮燒得好香脆👍🏻👍🏻佢啲小食試得過😉
Search